അനുഗ്രഹശാസ്ത്രം
നമ്മുടെ പിതാമഹന്മാരും ഗുരുക്കന്മാരും മഹര്ഷികളും (ജാതി മതഭേദമന്യേ ) അനുഗ്രഹിക്കുക എന്നുള്ള കര്മ്മം അന്ഗീകരിച്ചിട്ടുള്ളതും ഇന്നും എന്നും തുടര്ന്നുപോകുന്നതും ആയ ഒരു സംസ്കാരമാണ്. ശിഷ്യനെ ഗുരു അനുഗ്രഹിക്കുന്നതും മക്കളെ മാതാപിതാക്കന്മാര് അനുഗ്രഹിക്കുന്നതും ഭക്തരെ ഈശ്വരന്മാര് അനുഗ്രഹിക്കുന്നതും എല്ലാം ഒന്ന് തന്നെ. തികച്ചും ഒരു അളവുകോല് ഇല്ലാത്ത പ്രതിഭാസമാണ് നാം ഇപ്പോള് പറഞ്ഞു വരുന്നത്. ഒരു വസ്തുവിനെ നമ്മള് കാണുന്നില്ലെങ്കിലും അതിന്റെ സാമീപ്യമോ അതിന്റെ ശക്തിയോ അനുഭവിച്ചരിയുകയോ ചെയ്യാന് ചിലപ്പോളെങ്കിലും നമ്മുടെ ജീവിതത്തില് നമുക്ക് അവസരം വന്നിട്ടുണ്ടാവും. അങ്ങിനെ പറഞ്ഞു വരുന്ന ഒന്നായി തന്നെ ഇതിനെയും നമുക്ക് കണക്കിലെടുക്കാം
അനുഗ്രഹത്തിന്റെ പൊരുള്ഉദാത്തമായ മനുഷ്യ മനസ്സിന്റെ കഴിവുകള് പണ്ട് മുതലേ മനുഷ്യകുലം മനസ്സിലാക്കിയിരുന്നു. അതില് വെച്ച് ഏറ്റവും പ്രാധാന്യമായ രണ്ടു കാര്യങ്ങളാണ് സ്നേഹവും ഭക്തിയും. ഈ രണ്ടു വാക്കുകളിലും അടങ്ങിയിരിക്കുന്ന ഊര്ജ്ജം (എനര്ജി) ഒരിക്കലും നമുക്ക് കണക്കാക്കാന് കഴിയില്ലത്രേ. അതുകൊണ്ടുതന്നെയാണ് ഇന്നും മനുഷ്യമനസ്സുകളെ ഏറ്റവും കൂടുതല് സ്വാധീനം ചെലുത്താന് കഴിയുന്ന പ്രതിഭാസങ്ങളായി സ്നേഹവും ഭക്തിയും നിലനില്ക്കുന്നത്. നമുക്കിതിനെ ഒരു പക്ഷെ ഒരു നാണയത്തിന്റെ രണ്ടു വശങ്ങളായി ചിത്രീകരിക്കാം. കാരണം ഭക്തിയുടെ പാരമ്യതയിലും സ്നേഹത്തിന്റെ പാരമ്യതയിലും നമ്മള് എത്തി ചേരുന്നത് ഒരു ലക്ഷ്യസ്ഥാനതാണ്. അത് കൊണ്ട് തന്നെ ഈ രണ്ടു സംസ്കാരത്തിനും ഒരേ പ്രാധാന്യം തന്നെയാണ് നമ്മുടെ ജീവിതത്തിലും ഉള്ളത്. ഭക്തിയില്ലാത്ത സ്നേഹവും സ്നേഹമില്ലാത്ത ഭക്തിയും രണ്ടും നിഷ്ഫലമാണ്.
അറിവും സംസ്കാരവും കഴിവും അനുഗ്രഹ രൂപേണ തങ്ങളേക്കാള് തുലോം കഴിവ് കുറഞ്ഞവരിലേക്ക് പകര്ന്നു കൊടുക്കുന്ന പ്രതിഭാസമാണ് ഇത്. മനുഷ്യ മനസ്സിന്റെ വിവിധതലങ്ങളെ കുറിച്ച് ലോകമെമ്പാടും അറിവുള്ള വ്യക്തികള് വളരെയധികം നമുക്ക് പറഞ്ഞു തന്നിട്ടുണ്ട്. ഇനിയും അതിന്റെ നിഗൂടതകള് അല്ലെങ്ങില് അതിന്റെ പൊരുള് മനസ്സിലാകാതെ കിടക്കുന്ന ആഴതട്ടുകളുണ്ട്. ആ അനുഗ്രഹപ്രവാഹം ഇത് പോലെ ഒന്നായി നമുക്ക് കാണാവുന്നതാണ്. അത് കൊണ്ട് ഏതു കാര്യത്തിനു പുറപ്പെടുമ്പോഴും ആചാര്യനെ കണ്ടു നമസ്കരിക്കാന്, മാതാപിതാക്കളുടെ അനുഗ്രഹം വാങ്ങാന് നമ്മള് മറക്കരുത്, മടി കാണിക്കരുത്. ആചാര്യന്മാരും മുതിര്ന്നവരും അതുപോലെ തങ്ങളെ വനങ്ങുന്നവര്ക്ക് അനുഗ്രഹം വര്ഷിക്കേണ്ടാതാണ്. ഏതു കാര്യം ചെയ്യാനിരങ്ങുതത്തിനു മുന്നേ ദൈവസ്മരണ, ഗുരു സ്മരണ , മാതാ പിതാ വന്ദനം എന്നിവ ഒഴിച്ചുകൂടാന് വയ്യാത്തതാണ്. കര്മവിജയം നേടുവാനും ജീവിതത്തില് ഉന്നതി പ്രാപിക്കുവാനും ആഗ്രഹിക്കുന്നവരെല്ലാം തന്നെ ഈ കാര്യം മറക്കാതിരുന്നാല് അതിന്റെ ഗുണം അവര്ക്ക് തന്നെയെന്നു പിന്നീടെല്ലാം തെളിയുന്നതാണ്.
സ്നേഹാശംസകളോടെ
